شوال الدقيق فيه كام رغيف - الدوله المدنيه

سلام عليكم --- احنا وقفنا فى الرساله اللى فاتت عند نقطه مهمه جدا وهى ان الاسلام لم يعرف الدوله الدينيه نهائيا ؛ وان الدوله الدينيه ملهاش وجود اصلا - طيب ايه السبب فى وجود التسميه ووجود الخوف منها ?? اولا وجود التسميه تلاته ناس عندها عداء للدين اصلا وحابين يخوفوا الناس من الاحتكام للشرع وناس قرات وعرفت تاريخ الكنيسه فى العصور المظلمه وحكم الكنيسه الظالم باسم الدين فابقا عندها تخيل ان اى حكم للشرع هيكون زى حكم الكنيسه ، وناس متدينه ولكن عندها قصور فى فهم الفرق بين الشرع كدستور والشرع كدوله ، وانوع الاولانى ملوش علاج لانه عدو نفسه لانه عادى الدين اصلا ، والنوعين التانيين دول فعلا مظلوميين ولابد نطمن النوع التانى ونفهم النوع التالت-- اما مسالة الخوف فده لسببين الاول ان الانسان عدو مايجهل ومحدش عارف حاجه عن الموضوع ده ، والسبب التانى هو المجازر والتعديات والظلم اللى ارتكبته اى دوله دينيه جت ودا حقيقى يعنى كل اللى عملته الكنيسه فى حكمها كان ظلم فى ظلم وبرضه اللى عملته ايران فى دولتها الدينيه كان تخريف وظلم - كده خلصنا من الدوله الدينيه وان مفيش حاجه اسمها كده واى دوله كده مترضيش ربنا ولا تتوافق مع القيم الانسانيه ولاتنفع اصلا ---- نيجى للدوله المدنيه ، واللى جاى دا مهم جدا لازم نعرف ان الدوله المدنيه مش هى المقابل بتاع الدوله الدينيه دى عكس الدوله العسكريه ، لان عكس مدنى هو عسكرى مش دينى خالص ونهائيا ابسليويتلى ، وعمر ماكان الدين عسكرى - الدوله المدنيه دى يعنى حكم مدنى مش عسكرى وبكده يبقى احنا من يوم ثورة ٥٢ كنا فى حكم عسكرى لحد ماالمخلوع غار ، وجه الوقت اللى يكون فيه دوله مدنيه بيحكمها مدنيين مش عسكر ، وده اهم مافى الموضوع ، نيجى بقا نتكلم فى خصائص الدوله المدنيه بجد جدا ( الدوله المدنيه دى دوله لها دستور اى حد هيحكم لازم يمشى عليه سوا كان دستور علمانى او اسلامى وعمر ماكان الدستور العلمانى او الوضعى هيخليها مدنيه ولا الدستور الشرعى هيخليها مش مدنيه لانه دستور بينفذه واحد مدنى ) طيب هنلاقى ناس تقول طب ماهو لو الدستور ده من الشريعه هتبقى كانها دوله اشبه بالدوله الدينيه وانتم بتضحكوا علينا وهنا اقوله حجتين مهمين جدا - اولا دا دستور بيحكم الحاكم قبل المحكوم وبيمشى على اى حاكم هيجى بغض النظر عن ميوله الشخصيه ومش لزمنا نعرف دماغه ايه لانه هيكون ماشى على طريق ون واى وبس - انما الدوله الدينيه الحاكم فيه بيعمل نفسه مكان ربنا وبيحكم الناس كانه الهه اعظم ويجيب كام متطرف يقعدوا يطبلوا لعظمته ويالفوا فى دينهم احلى تاليف ويحرموا الكوسه ويحاربوا البطيخ ويجرموا المانجه - السبب التانى اننا لو عايزيين احلى دستور واعدل قوانيين يبقى لازم نرجع للى خلقنا سبحانه وتعالى لانك لو اشتريت اى جهاز مش عتهرف تشغله غير لما ترجع للكتالوج صح ولا انت عبقرى بتفم الحجات لوحدك كده لاطبعا واللى يقول كده يبقى كل اجهزة بيتهم بتولع بمجرد وصولوه هو للبيت الموعود ، طيب لو رجعنا للدستور اللى هيكون من الشرع هنلاقيه متفصل لينا جدا لان اللى نزله لينا اللى خلقنا سبحانه وتعالى ولازم نكون عارفين ومتاكدين ان ده هو الصح لان ده اصل من اصول الايمان ( فلا وربك لايؤمنون حتى يحكموك فيما شجر بينهم ثم لايجدوا فى انفسهم حرجا مما قضيت ويسلموا تسليما ) يعنى الموضوع مهم جدا - طيب واحد هيسال ويقول ونضمن منين ان اللى هيحط الدستور ده مش هيدخله فى كل حاجه، وهنا بقه هرد عليه بموقف لمين لسيدنا عمر بن الخطاب ودا طبعا معروف عنه قوته فى الحق وانه كان شديد قوى لدرجه انه كان بيراجع الرسول صلى الله عليه وسلم فى بعض الاحكام عادى ، سيدنا عمر جه ليه واحد مشكك فى الاسلام وحب يختبر سيدنا مر فقام قاله ياعمر مش انتم بتقولوا ان قرانكم دا الواحد يعرف منه كل حاجه فى الدنيا قاله اه ، قاله طيب شوال الدقيق ده فيه كم رغيف ، فاسيدنا عمر قال هاتوا الخباز وساله فيه كام رغيف الخباز قاله فيه كذا رغيف ومشى الخباز فاالراجل قال لعمر طيب ماهو القران معرفش الشوال فيه كام رغيف سيدنا عمر رد عليه وقاله ماهو القران اللى قال لنا ( اسالوا اهل الذكر ان كنتم لاتعلمون ) ومن القصه اللى فاتت دى لازم نعرف حاجه ان اللى يحط دستور من الشرع لازم يكونوا ناس من كل اطياف الشعب وكل المهن علشان يعرفوا ازاى يكون الدستور ده بيساعد كل الناس وبيريح كل الناس وبيراعى حقوق كل الناس وبيحافظ على حرية كل الناس بس من منظور الشرع يعنى يراعى المؤسسات الخاصه والعامه والمصالح والمفاسد وكده ، مش هطول عليكم النهارده ، وبكده هيكون باقى لينا حجات مهمه هى ايه ان احنا نتاكد ان تفاصيل الدستور الشرعى هتريحنا جدا ومش هتاخد من حريتنا ولامن حقوقنا ولاالحاكم هى يستبد فينا باسم الله علشان بجدا جدا لما نقول احنا عايزين دستور شرعى نكون فاهمين ولو قلنا عايزين دستور وضعى نبقى مسئولين عن اختيارنا ، واى خدمه جدا جدا جدا - اخوكم الفتى العايش 

الدوله الدينيه جدا والدوله المدنيه بجد جدا

سلام عليكم رغم انى عارف ان الكلام فى الموضوع دا لابد انه يكون باللغه العربيه الا انى شايف ان كلامى فيه بالعاميه ممكن يكون افضل فى الوقت الحالى الموضوع ببساطه هو حديث الساعه الدوله المدنيه والدوله الدينيه وناس عايزها مدنيه وناس خايفه من انها تكون دينيه طيب نتكلم مع بعض بالراحه نبدا باللى خايفين منه الدوله الدينيه هو يعنى ايه دوله دينيه وايه الامثله عليها -- ناس تقول الدوله الدينيه زى ايران او زى السعوديه او زى افغانستان وناس تقول زى اسرائيل والكل شغال بمبدا اللى خايف من الشوربه ينفخ من الزبادى اولا لم يعرف الاسلام نهائيا الدوله الدينيه نهائيا فى تاريخه حتى دولة رسول الله صلى الله عليه وسلم لم تكن دوله دينيه وبرضه دولة الخلافه الراشده لم تكن دوله دينيه طيب ازاى يبقى لازم نعرف ايه هى الدوله الدينيه وايه امثلتها وليه خدت اللقب ده -- الدوله الدينيه دى دوله بيحكم فيها رجال الدين طيب هو مش الرسول والصحابه كانوا رجال دين كانوا رجال دين طبعا واجمل دين واصح دين واعظم دين طيب يبقى ايه موضوع انها مكنتش دوله دينيه ايوا تكلمة تعريف الدوله الدينيه زى ماقلنا دى دوله بيحكم فيها رجال الدين وبعدين يحكمون فيها بشرع غير شرع الله ويدعون انه شرع الله وبعدين يبعدوا الشعب من كل حقوقه ومن كل اختياراته ومن كل ارائه لانهم طبعا هما اللى عارفين الصح لانهم بيتكلموا باسم الله ودا هو اللى حصل فى اوربا فى العصور الوسطى فى حكم الكنيسه فى العصور المظلمه هما سرقوا وقتلوا وعزلوا الحكام واستولوا على كل حاجه باسم الدين وباسم الله وان دا حكم الله واحنا اللى عارفينه يبقا كله يسكت ومايناقش خالص هى دى الدوله الدينيه الوحده فى المسيحيه فيه حد فيكم شاف دوله فى الاسلام عملت كده طيب ماالرسول كان بيقول ده حرام وحلال واعملوا ومتعملوش ماشى بس دا كان فى امور الدين ولما اتكلم فى امور الدنيا قال ايه قال صلى الله عليه وسلم - انتم اعلم بامور دنياكم - والله دا فعلا رجل عظيم رائع مبدع موحى اليه جميل جدا جدا هذا الحبيب الغالى محمد بن عبد الله بابى هو وامى - طيب وفى صلح الحديبيه لما كتبوا الوثيقه وفى غزوة الخندق لما سالهم نعمل ايه طيب ولما نراجع السيره كلها نلاقى ان الامر كان شورى على طول طيب وسيدنا ابوبكر لما قال - اطيعونى مااطعت الله فيكم فان عصيت الله فلا طاعة لى عليكم - قمة الجمال خلى نفسه هو الملتزم بالشرع وانه هو اللى مطالب بمراعاة الله فيهم مش هو اللى بيتحكم فيهم بالشرع هى دى اهم نقطه احنا طول النهار بنقول عايزين حد يحكمنا ويخاف من ربنا حد يحكمنا ويتقى الله فينا طيب ماهو دا الحكم اللى كلنا ليل ونهار بنطلبه وقدمنا مئات الامثله فى الدوله الاسلاميه الاولى نيجى بقى ندخل على الفاروق الرائع عمر بن الخطاب وشوف بقى اجمل دوله واجمل خليفه للمسلمين ومن وراه على وعثمان وعمر بن عبد العزيز - طيب دا الدوله الاسلاميه الاولى وكانت قمه فى الروعه والجمال ومكنش الحكم دينى ان الحكم بالشرع وكان الشرع على رقاب المحكوم قبل الحكام انما الدوله الدينيه الحاكم فيها بيحكم الناس بغير الدين مدعى انه الدين والدين دا مابيمشيش عليه طبعا لانه هو اللى مالفه وهو طبعا فوق الكلام ده فى العصر الحديث جت ايران وفعلا ايران بدات دوله دينيه جدا يعنى الخومينى دا فيه هناك افتكرته نبى وحكمهم بغير اى دين وغير الدين وعمل نفسه اله واحنا هنا لما بنتكلم عن الشيعه فلازم نعرف اننا بنتكلم عن دين تانى غير الاسلام اسمه دين ولاية الفقيه وحكم الائمه مش حكم الله واحنا هنا زى ايران زى حكم الكنيسه فى العصور المظلمه ميفرقش كتير رغم ان الموضوع اختلف شويه فى ايران الايام دى طيب واحد يقولك اسرائيل دوله دينيه انا شايف ان اسرائيل دوله مجرمه ومش دينيه دى صهيونيه والصهيونيه غير اليهوديه ممكن حد يختلف معايا بس دا راى ومش هو دا مربط الفرس فى موضوعنا خالص وبكره هكمل معاكم الكلام عن الدوله الدينيه والدوله المدنيه اسال الله لى ولكم السعاده فى الدنيا والاخره - اخوكم الفتى العايش  

كن نفسك ولاتكن غيرك

بهذه الكلمه التى اعتبرها عنوان حياتى ابدا كتابتى فى هذه المدونه فالطالما ظللت ابحث عنى فى دروب تلك الحياه ومنذ طفولتى وان كالمبحر فى مياه مالها شطان .... وظللت اقول لنفسى ماذا تحب ان تكون وبماذا تحب ان تعتقد كان كل ذلك فى مرحله ماقبل النضج والمراهقه ....وبعد ان من الله على بالالتحاق باحدى كليات ماتسمى بكليات القمه بدات تتحدد لى بعض ملامح شخصيتى شيئا فشيئا حتى بدا لى اننى لابد ان اعمل من اجل دينى وامتى الغاليه وكانت بلدى وموطنى مصر هى جزء من تلك الامه العظيمه التى ظللت احسها عظيمه .... وابحث عن مواطن العزه والعظمه فيها حتى بدا لى بعض المخلصين الذين يحبون تلك الامه وهذا الوطن فجلست اليهم لاصيغ جميع افكارى ... فوجدتنى اخيرا وتعرفت على بعد جهد جهيد ووقت بعيد .... عرفت انى مسلم وانا اسلامى هو اغلى مااملكه وانى بشر وان اسلامى هو اقوى مايحافظ على تلك البشريه برفق وتؤده .... وعرفت ان اكثر اهل الارض حبا لى كان هذا الرجل العظيم محمد بن عبد الله صلى الله عليه وسلم فلقد كان حريصا جدا على هدايتى وتبليغى تلك الرساله الساميه وتحميلى تلك الامانه الغاليه الا وهى الدعوه الى الله والذب عن عرض هذا الدين وتلك الامه بقدر جمال تلك الرساله بقدر مشقة حمل تلك الامانه بقدر عذابات النفس فى مواجهه مطالب تلك النفس وصراعاتها مع نفسها انه حمل ثقيل ولكن يهون ان بعد ان ادركت انه امر من الله وامر رسوله واكثر مايعنينى عليها هو الاستعانه برب تلك الرساله فالله المستعان