انا مش بخاف ...........
انا بترعب...............
انا مش بخاف من الف نجمة
فوق كتاف ميت عكسري
لا النجوم هانت قوي علشان
تكون رتبة ملازم
ولا الملازم طلع السماء
في يوم علشان يطولها
النجوم دي بتعتنا ملك لعيونا
ازاي تكون نيشان للي
كل يوم يكسروا ابواب بيوتنا
انا مش بخاف........
انا بترعب..........
لما بشوف ايدي الغلابة تترفع
فوق للسماء
لما الدموع تنحدف من عين الف
علي ميت شهيد راحوا خلاص
يوم الفدا
انا مش بخاف......
انا بترعب........
انا مش بخاف
من كلمة الحق القوية........ العفية
لما كل حرف فيها يكون طلقة رصاص
تدخل في قلب كل عميل.... بكاس
انا بترعب.........
من الدعاء يتخرص به يوم لساني
مش اواني.....
اكون فيه حر و مجاب
انا مش بخاف ......
انا بترعب .........
انا مش بخاف .....
لما الف عسكر يهجموا يوم علي الميدان
اللي بان فية عزم امة يتنفض.....
علي ظلم كل خسيس جبان
انا بترعب .......
من لحظة الياس اللي ممكن تترسم
علي وش طفل في يوم حزين
ظلم وانين
لما نكتم بين ضلوعنا عجز السنين
لما الشهيد يصرخ بالف صوت
انا مش جبان . انا مش جبان
الجبان هو اللي يقتل الحر
في ليل طويل وسط الميدان
انا مش بخاف..........
انا مش بخاف..........
انا مش بخاف.........
ليست هناك تعليقات:
إرسال تعليق